Թուրքիայում ոչ մահմեդական քաղաքացիները այսուհետ ոստիկան դառնալու հնարավորություն ունեն

Թուրքիայի ասորական համայքը, հետևելով հայկական համայքնի օրինակին, քննադատության է ենթարկել երկրում գործող այն խտրականությունը, ըստ որի` ոչ մահմեդական  փոքրամասնությունները չեն կարող պաշտոն զբաղեցնել զինվորական և անվտանգության համակարգում: Ասորական համայքի առաջնորդ, մետրոպոլիտեն Յուսուֆ Չեթինը «Միլլիյեթ» թերթի հետ զրույցում բարձրացրել է այն հարցը, թե ինչու այլ հավատք ունեցող քաղաքացիները չեն կարող պաշտոն զբաղեցնել զինվորական և անվտանգության համակարգերում:
Թուրքիայի անվտանգության գլխավոր վարչությունը իր «Twitter»-յան պաշտոնական էջում այս հարցին հետևյալ պատասխանն է տվել՝ «Թուրքիայի Հանրապետության քաղաքացին առանց որևէ կրոնական, ռասայական և դավանանքային խտրականության կարող է ոստիկան դառնալ: Մենք հրավիրում ենք մեր ասորի քաղաքացիներին մասնակցելու ոստիկանների համար նախատեսվող քննություններին և ոստիկան դառնալու»:
Նշենք, որ թուրքական իրականության մեջ ոչ մահմեդական փոքրամասնությունները մշտապես համարվել են «անբարեհույս տարր» և հեռու են պահվել երկրի զիվորական և անվտանգության համակարգերից:

http://ankakh.com