Twitter-ը հրաժարվել է համագործակցել թուրքական իշխանությունների հետ

Twitter միկրոբլոգների ծառայության ներկայացուցիչները մերժել են համագործակցության վերաբերյալ թուրքական իշխանությունների առաջարկը. այդ մասին հայտնել է Թուրքիայի տրանսպորտի և հաղորդակցության նախարար Բինալի Յըլդըրըմը, գրում է Лента-ն՝ վկայակոչելով «Անադոլու» գործակալությանը։
Նախարարը բացատրել է, որ թուրքական իշխանությունները համագործակցություն են առաջարկել մի շարք սոցկայքերի՝ կապված Ստամբուլի Գեզի այգում ընթացքող ցույցերի հետ։ Նրա խոսքով, այդ կայքերում ստեղծվում են մեծ քանակությամբ կեղծ աքաունթներ, որոնց նպատակը՝ ցուցարարներին աջակցելն է։
Յըլդըրըմը նշել է, որ մի շարք սոցկայքեր, ներառյալ՝ Facebook-ը, համաձայնել են գործել իշխանությունների հետ համատեղ, սակայն Twitter-ում մերժել են։ Նախարարը քննադատել է նման որոշումը՝ նշելով, որ երկրում գործող ընկերությունները պետք է համագործակցեն դատական և իրավապահ մարմինների հետ։

http://www.tert.am/am/news/2013/06/26/turkey-twitter/