Հյուսիսային Իրաքում հրապարակվող «Waranpress» ինտերնետային կայքում տեղ գտած լուրի համաձայն՝ քրդական շարժման առաջնորդներից Աբդուլլահ Օջալանը Իմրալը կղզուց քրդական հարցի լուծման գործընթացի հետ կապված մի նամակ է գրել Հյուսիսային Իրաքի Քրդական ինքնավարության նախագահ Մեսուտ Բարզանիին: Այդ նամակը հունիսի 6-ին հասել է Բարզանիին, որի մասին լուրի մեջ օգտագործվել է տարիներ առաջ արված Օջալանի և Բարզանու համատեղ լուսանկարը:
«Դողան» լրատվական գործակալությունը հաղորդում է, որ Բարզանուն գրած նամակը Օջալանը սկսել է «Քուրդ ժողովրդի առաջնորդ» բառերով և նշել, որ Մեսուտ Բարզանուն դիտում է որպես ոչ միայն Իրաքի Քրդական շրջանի, այլ նաև Քրդստանի չորս մասերի առաջնորդը: Նամակում մասնավորապես ասվում է. «Իմ թանկագին և հարգելի ընկեր: Ես ձեզ տեսնում եմ որպես ոչ միայն Քրդական շրջանի նախագահ, այլ նաև Քրդստանի չորս մասերի առաջնորդ և այդ պատիվը ձեզ եմ տալիս: Քանզի բոլորս հասկացանք, որ ձեր բազմամյա և բանիմաց փորձն ապահովեց քուրդ ժողովրդի կեսից ավելիի իրավունքները: Աստծուց ձեզ համար առողջություն և հաջողություն եմ խնդրում: Ձեզ իմ առանձին խնդրանքն է տեր կանգնել այդտեղ եկող PKK-ի մարիկներին և երաշխավորել նրանց կյանքը»:
Leave a Reply