Թուրքիայում տեղի ունեցող հակակառավարական բողոքի ակցիաների մասնակիցները փոխվարչապետ Բյուլենթ Արընչին են ներկայացրել իրենց պահանջների ցուցակը, հաղորդում է BBC-ն:
Թուրքիայի փոխվարչապետի հետ հանդիպմանը հրավիրվել են մի խումբ բնապահպաններ և ակտիվիստներ, որոնք դեմ են Գեզի այգու վերակառուցմանը:
Բողոքի ակցիաների մասնակիցները Բյուլենթ Արընչից Գեզի այգու պահպանման երաշխիքներ են պահանջել: Նրանք նաև պահանջել են ազատ արձակել ձերբակալված ցուցարարներին և պատժել ոստիկանությանը` բողոքի ակցիաների մասնակիցների նկատմամբ բռնի ուժ կիրառելու համար:
Ավելի վաղ Բյուլենթ Արընչը ներողություն էր խնդրել ցուցարարներից, սակայն միայն նրանցից, ովքեր իսկապես բողոքում էին Գեզի այգու վերակառուցման համար:
Բախումների հետևանքով զոհվածների թիվը հունիսի 5-ի դրությամբ հասել է 3-ի, վիրավորներինը` 3 հազ-ի:
Թուրքիայի քաղաքներում հակակառավարական ցույցերը սկսվել են՝ պայմանավորված իշխանությունների՝ Ստամբուլի Գեզի այգին քանդելու և նրա տեղում առևտրաժամանցային համալիր կառուցելու ծրագրերով։
Սկզբում սա բնապահպանների խաղաղ ակցիա էր, սակայն այն արագ վերաճեց Թուրքիայի վարչապետի ու իշխող Արդարություն և զարգացում կուսակցության կողմից իրականացվող քաղաքականության նկատմամբ դժգոհության։
Leave a Reply