Թուրքիայի Չանաքքալե նահանգի Ֆեվզի փաշա թաղամասում գտնվող Սբ. Գևորգ հայկական եկեղեցին, որ մի ժամանակ պատարագ էր մատուցում իր հավատացյալ հոտին, այժմ հանձնվել է տեղի սուֆիական համայնքին և որպես մշակույթի տուն գտնվում է Չանաքքալեի «Մարտի 18» կոչվող համալսարանի ենթակայության ներքո:
Նշենք, որ սուֆիզմը կրոափիլիսոփայական միստիկական ուսմունք է իսլամում: Գիտության մեջ «սուֆիզմ» (թասավվուֆ) տերմինը ծագել է արաբերեն «սուֆ»՝ բուրդ բառից։ Սա կապում են մուսուլման միստիկ-ասկետների և քրիստոնյա անախորետների կողմից բրդյա կոպիտ գործվածքից հագուստ կրելու սովորույթի հետ։
Մինչև վերանորոգվելը և հիշյալ համալսարանի ենթակայության տակ հայտնվելը հայկական եկեղեցին օգտագործվել է նախ որպես երաժշտական ակումբ, այնուհետև Էթնոգրաֆիայի թանգարան, ապա նաև` լաբորատորիա և այլն: Իսկ վերանորոգվելուց հետո Սբ. Գևորգ եկեղեցին օգտագործվում է որպես միստիկական զանազան միջոցառումների կազմակերպման վայր: 16-րդ դարում կառուցված եկեղեցում այժմ սուֆիզմի միստիկական ծեսեր են իրականացվում: Հերթականը, ըստ թուրքական «Posta» պարբերականի, կազմակերպվել է նախօրեի երեկոյան:
Leave a Reply