«Ակօս» պարբերականին հատուկ մրցանակ է շնորհվել

Թուրքական «Ժամանակակից լրագրողներ» կազմակերպությունը հատուկ մրցանակ է հանձնել 1996 թվականին Հրանտ Դինքի կողմից հիմնված, Ստամբուլում լույս տեսող հայկական «Ակօս» շաբաթաթերթին, ինչպես նաև պարբերականի թղթակիցներից մեկին: Ինչպես հաղորդում է «Արմենպրես»-ը` ամենամյա մրցանակաբաշխության ժամանակ կազմակերպությունը «Ակօս» շաբաթաթերթին մրցանակ է շնորհել «Չնայած ճնշմանն ու դժվարություններին` սկզբունքային հրապարակումները շարունակելու համար և Հրանտ Դինքի հիշատակին»:

Մրցանակ է շնորհվել նաև «Ակօս» պարբերականի լրագրող Ֆունդա Թոսունին` իր հրապարակած «Նախազգուշացում Դինքին անմեղ անվանող դատավորին» հոդվածի համար:

«Ժամանակակից լրագրողներ» կազմակերպությունը հիմնվել է 1978 թվականին: Կազմակերպությունն իր առջև նպատակ է դրել թույլ չտալ լրագրությունը վերածել զենքի` անձնական շահերի և նպատակների համար, չսահմանափակել լրատվական ոլորտը, մատուցել միայն ճշգրիտ լրատվություն:

http://armenpress.am/arm/news/706915/akos-parberakanin-hatuk-mrcanak-e-shnorhvel.html