Արևմտահայերենի դասընթացը Թուրքիայում մեծ պահանջարկ է վայելում

Հայկական մշակույթի և զորակցության միության կողմից կազմակերպված արևմտահայերենի դասընթացը մեծ պահանջարկ է վայելում:

Այդ մասին հաղորդում է Akunq.net-ը` հղում անելով պոլսահայ «Ակօս» պարբերականին: Ըստ աղբյուրի` լեզվի դասընթացը կմեկնարկի հոկտեմբերի 19-ին, և դասընթացի առաջին փուլը կավարտվի 2013 թ. հունվարի 25-ին: Դասերը կկայանան յուրաքանչյուր ուրբաթ, ժամը 19.00-ից մինչև 21.00-ն` միության կենտրոնում: Առաջին փուլում կուսուցանվեն հայոց այբուբենը, ընթերցելու կանոնները, կարվեն գրավոր աշխատանքներ, կվերծանվեն հայատառ թուրքերենով տեքստեր, իսկ այբուբենի յուրացումից հետո արևմտահայերեն լեզվի մասին կմատուցվեն հիմնական գիտելիքներ: Յուրաքանչյուր փուլ ունի եռամսյա տևողություն: 

Աղբյուրը նաև հիշեցնում է, որ ՅՈՒՆԵՍԿՕ-ն արևմտահայերենը ներառել է ոչնչացման վտանգի տակ գտնվող լեզուների ցանկում:

Akunq.net