Թեեւ Եվրամիության կողմից բազմաթիվ քննադատություններից հետո Թուրքիան պարտավորվել էր դպրոցական ծրագրերից հանել քրիստոնյաների դեմ ատելություն սերմանող թեմաները, սակայն այդ երկրի կրթության նախարարությունը մինչ այժմ չի կատարել խոստումը:
Ինչպես հաղորդում է «Արմենպրես»-ը` վկայակոչելով թուրքական «Հաբեր 3» լրատվական կայքը, հայերի դեմ ատելություն սերմանող արտահայտությունները մնացել են անցյալ տարի հրատարակված Թուրքիայի պատմության նոր ձեռնարկներում եւս:
Թերթը գրում է, որ այս մասին Թուրքիայի խորհրդարանում հայտարարել է ազգությամբ ասորի պատգամավոր, խորհրդարանական միակ քրդական Խաղաղություն եւ ժողովրդավարություն կուսակցության անդամ Էրոլ Դորան: «Թուրքիայի պատմության դասագրքերում հայերի եւ ասորիների նկատմամբ ատելություն սերմանող եւ վիրավորական արտահայտություններ կան», -ասել է նա խորհրդարանում ունեցած ելույթում:
Նա ընդգծել է, որ հարցի շուրջ խոսել է կրթության նախարարի հետ, ինչին վերջինս պատասխանել է, որ դասագրքերը հրատարակվել են ոչ իր նախարարության ժամանակաշրջանում:
Armenpress.am
Leave a Reply