Իգդիրում երեկ Ադրբեջանի դրոշն էին իջեցնում, վաղը ոտքերի տակ են գցելու

Թե ինչ է լինում այն բանից հետո, երբ Ալիևի դոլարները չեն բավարարում Իգդիրի համար: Իգդիրում մինչև վերջերս բարգավաճում էր տխրահռչակ «Հայերի անհիմն մեղադրանքների դեմ պայքարի միությունը»  ASİMDER, որը հակայկական և պրոադրբեջնական քարոզչական գործողություններ է իրականացնում Թուրքիայի արևելյան մարզերում: Մությունը գործում է միմիայն Բաքվից պարբերաբար հատկացվող դոլարների հաշվին: Իգդիրում միության գրասենյակի ճակատին մշտապես կախված էին Թուրքիայի և Ադրբեջանի դրոշները: Եվ ահա, 2011թ-ի  հունիսի  5-ին Ադրբեջանի դրոշը  իջեցվել էր գրասենյակի ճակատից շուրջ մեկ շաբաթով: Միության ղեկավարությունը որոշել էր այսպիսի ցուցադրական գործողությամբ  իր բողոքն արտահայտել այն բանի դեմ, որ հունիսի  3-ին Բաքվում կայացած Աշխարհի ադրբեջանցիներ համաժողովին մասնակցելու համար ASİMDER-ի նախագահ Գյոկսել Գյուլբեյը  հրավեր չէր ստացել: Միայն Բաքվից ստացված «սփոփիչ» քանակով դոլարները կարողացան կրկին դրոշը բարձրացնել միության գրասենյակի ճակատին:

Armweeklynews.am-ի աղբյուրները տեղեկացնում են, որ հոկտեմբերի 6-ին կրկին Ադրբեջանի դրոշն իջեցվել է միության ճակատից:  Սակայն այս անգամ պատճառն ավելի լուրջ է : Ազգային շարժում կուսակցության `MHP, Իգդիրից մեծամասնական կարգով ընտրված պատգամավոր Սինան  Օղանն իր ձեռք է վերցրել Ադրբեջանից  տարբեր հակահայկական և պրոադրբեջանական կազմակերպություններին վճարվող ֆինանսական միջոցները և արդեն ինքն է միանձնյա որոշում, թե ում որքան գումար է հատկացվելու:

Սինան Օղանը ոչ միայն չի վճարել Ստաբուլում հայ ներգաղթյալների զավակների դպրոց հաճախելու իրավունք ստանալու դեմ  և Մեծամորի ատոմակայանի փակման համար  ASİMDER-ի կազմակերպած քարոզարշավների  դիմաց, այլ նաև զգալիորեն կիճատել է միության հասանելիքը 2012թ-ի համար:  Հիշեցնենք, որ մի քանի ամիս առաջ միությունը մեծ հաղթանակ էր համարում այն, որ Թուրքիայի կրթության նախարարը միության գրավոր բողոքին ի պատասխան տեղեկացրել էր, որ Թուրքայի ազգային փոքրմասնությունների դպրոցներում իրավունք ունեն կրթություն ստանալ միայն  Թուրքիայի քաղաքացիություն ունեցող ծնողների երեխաները: Ադրբեջանի դրոշը կախյալ կմնա այնքան ժամանակ, մինչև Բաքուն կբարեհաճի վճարել միության հակահայկան գործողությունների դիմաց: Եթե չի վճարի , ամենայն հավանականությամբ , միության անդամները ոտքերի տակ կգցեն այդ դրոշը:

Armweeklynews.am  08.10.11