Եկել է Հայաստանից` պապերի կտակի համաձայն

Օլյա Հակոբյանը, որի ընտանիքը 1915 թ. Սասունից գաղթել է Հայաստան, նախանցյալ օրն այցելել է Սասունի գավառ` իր ընտանիքի` մոմ վառելու կտակն ի կատար ածելու համար: Սասունի շուկայի կենտրոնում շրջելուց հետո դեպի Չայըրլը-Քիլիս դաշտն ուղևորված Հակոբյանը «Եթե կյանքում քեզ երբևէ բախտ վիճակվի Սասուն գնալ, ապա անպայման կգնաս Գոմքի վանքը ու մոմ կվառես» պատվիրանը իրագործելու համար գնացել է դեպի Գոմքի վանքը: Հակոբյանը պետք է կեսժամանոց բարդ ճանապարհ կտրեր ոտքով, քանի որ դեպի Գոմքի եկեղեցի ճանապարհ չկար, սակայն տարիքի պատճառով չի կարողացել դա անել և մոմերը ճանապարհին վառելով` հետ է վերադարձել:

Հակոբյանը նշելով, թե Սասունի ժողովուրդը շատ հյուրընկալ է, հայտնեց. «Հայրս սասունցի է: 1915 թ. տեղի ունեցած դեպքերից (Հայոց ցեղասպանությունից-Ակունքի խմբ.) հետո գաղթել է Հայաստան: Պապս ու հայրս ինձ ասում էին. «Եթե Սասուն գնաս, կայցելես Գոմքի վանքը և մեզ համար մոմ կվառես»: Ես այդ կտակը կատարելու համար ճանապարհ ընկա դեպի Գոմք, սակայն չկարողացա հասնել` շնչասպառ լինելուս պատճառով: Մոմերը ճանապարհին վառելով` հետ վերադարձա, բայց շատ ուրախացա, որ գոնե մոտեցել եմ Գոմքի վանքին: Սասնա ժողովփւրդն իրոք շատ հյուրընկալ է և օգնող: Բացի այդ` այս տարի իրականացված լեռնագնացությունը դեպի Մարութա լեռ մեծ արձագանք ստացավ Հայաստանում: Այդ կապակցությամբ մեր շնորհակալությունն ենք հայտնում այդ միջոցառումը կազմակերպած Սասունի գավառապետարանին և Սասունի քաղաքապետին»:

Սասունի հայերի սոցիալական փոխօգնության, համերաշխության և մշակույթի միության նախագահ Ազիզ Դաղջըն նշելով, թե դեպի Գոմքի վանքը ճանապարհ բացելու դեպքում բազմաթիվ տեղացի և օտարերկրացի այցելուներ կգան Սասուն, և որ դա կարևոր է, որպեսզի տարիներով կարոտ քաշող հայերը հանգիստ կարողանան հասնել իրենց պաշտամունքի վայրերը, նաև հայտնեց, որ ճանապարհ բացելու նպատակով իրենք դիմելու են համապատասխան մարմիններին:

http://www.batmanpostasigazetesi.com/haber/atalarinin-vasiyeti-icin-ermenistandan-geldi-31216.htm