Թուրքիայի խորհրդարանի ռեկորդակիրը վարժ տիրապետում է հայերենին

Թուրքիայի Ազգային մեծ ժողովում մեծ թվով լեզուների իմացության հարցում ռեկորդակիր է Սեյիթ Սերթչելիքը, ով տիրապետում է 10 լեզվի, այդ թվում նաև հայերենի, փոխանցում է թուրքական պետական «Անադոլու» գործակալությունը:

Թուրքիայի խորհրդարանը միապալատ է և ունի 550 պատգամավորական աթոռ: Իսկ 550-ից պոլիգլոտությամբ առանձնանում է իշխող «Արդարություն և զարգացում» կուսակցությունից պատգամավոր Սեյիթ Սերթչելիքը, ով ակտիվորեն զբաղվում է Հայոց ցեղասպանության հարցով:

Վերջինս, բացի հայերենից, գիտի նաև անգլերեն, ադրբեջաներեն, ռուսերեն, ուզբեկերեն, թաթարերեն, բուլղարերեն, մակեդոներեն, սերբերեն և ուկրաիներեն: Իմիջիայլոց, «Անադոոլուն» նշում է, որ Սերթչելիքը հայերենին շատ լավ է տիրապետում: Եվս 30 թուրք պատգամավորներ տիրապետում են 3 և ավելի լեզուների:

Իսկ նախարարների թվում լեզուների իմացությամբ ռեկորդակիր է արտգործնախարար Ահմեթ Դավութօղլուն, ով տիրապետում է անգլերենի, գերմաներենի, արաբերենի և մալայզերենի:

09.10.2011

HayNews.am