Հայաստանն օգնություն է խնդրել Թուրքիայի հետ սահման տանող ճանապարհներին աշխատանքներ իրականացնելու համար

•

Հայաստանի կառավարությունը նոյեմբերի 19-ի նիստում հավանություն է տվել Հայաստանի տարածքային կառավարման և ենթակառուցվածքների նախարարության և Եվրոպական ներդրումային բանկի միջև խորհրդատվական աջակցության վերաբերյալ համագործակցության համաձայնագիր ստորագրելու առաջարկությանը։ Համաձայնագիրը նախատեսվում է ստորագրել «Արևելյան գործընկերություն. ներդրումներ տրանսպորտային ենթակառուցվածքների ոլորտում» նախաձեռնության շրջանակում։

«Խաղաղության խաչմերուկ» նախաձեռնության շրջանակում տարածաշրջանային տրանսպորտային ենթակառուցվածքների զարգացման և Հայաստանի տարանցիկ ներուժի ամրապնդման նպատակով նախաձեռնվել են տեխնիկատնտեսական հիմնավորումների մշակման և ճանապարհային երթուղիների կառուցման նախապատրաստական աշխատանքներ։ Դրանք վերաբերում են Մ7 (Գյումրի–Սպիտակ–Վանաձոր–Դիլիջան) մայրուղու՝ Ախուրիկ գյուղի մոտ գտնվող հատվածներին և Մարգարա–Վարդանաշեն ուղղությամբ ճանապարհի՝ Թուրքիայի հետ սահմանին գտնվող Մարգարայի սահմանային անցակետի հատվածին։

Հայաստանի տարածքային կառավարման և ենթակառուցվածքների նախարար Դավիթ Խուդաթյանը հայտնել է, որ հայ-թուրքական սահման տանող ճանապարհների հիմնանորոգման նախագծերը պատրաստ կլինեն 1,5 տարի անց։

Համաձայնագրի շրջանակում նախատեսվում է նաև գնահատել Մ4 (Երևան–Սևան–Իջևան) ճանապարհի առաջնահերթ հատվածներում հնարավոր աշխատանքները։ Դիտարկվող ճանապարհների ընդհանուր երկարությունը կազմում է 30 կմ։ Այս երթուղիները դիտարկվում են որպես առանձնահատուկ նշանակության ճանապարհներ, որոնք կարող են Հայաստանի տարածքով արդյունավետ կապ ապահովել հյուսիսի և հարավի, ինչպես նաև արևմուտքի և արևելքի միջև։

https://news.am/hy/news/1075881

Leave a Reply

Your email address will not be published. Required fields are marked *

Վերջին Յաւելումներ

Հետեւեցէ՛ք մեզի

Օրացոյց

November 2026
M T W T F S S
 1
2345678
9101112131415
16171819202122
23242526272829
30  

Արխիւ