Թուրքիայի արտգործնախարար Հաքան Ֆիդանը Բաքվում կմասնակցի Ասիայում փոխգործակցության և վստահության ամրապնդման միջոցառումների խորհրդակցության (CICA) պետությունների և կառավարությունների ղեկավարների խորհրդի 7-րդ նիստին:
Ադրբեջանի հյուրընկալած գագաթնաժողովին կմասնակցեն CICA-ի անդամ պետությունների, դիտորդ երկրների և գործընկեր միջազգային կազմակերպությունների ներկայացուցիչներ:
Օրակարգում առաջնային տեղ կզբաղեցնեն Ադրբեջանի նախագահության «Ավելի ուժեղ CICA Ասիայում, փոխկապակցվածություն, թվայնացում և կայուն զարգացում» խորագրով առաջ քաշված հարցերը: Նախատեսվում է ընդունել «Բաքվի հռչակագիրը», որը կդառնա գագաթնաժողովի եզրափակիչ փաստաթուղթը, ինչպես նաև աշխատանքի անվտանգության և առողջությանոլորտում համագործակցության մասին հայտարարությունը: Բացի այդ, կհայտարարվի Լաոսի՝որպես CICA-ի նոր անդամի, միանալու մասին:
Ֆիդանը ելույթ կունենա գագաթնաժողովում և մի շարք երկկողմ հանդիպումներ կանցկացնի: Ակնկալվում է, որ նա կընդգծի գլոբալ ճգնաժամերի պայմաններում խորհրդակցության, փոխադարձ վստահության և տարածաշրջանային պատասխանատվության վրա հիմնված համատեղ լուծումների, ինչպես նաև արդյունավետ բազմակողմ դիվանագիտության ամրապնդման անհրաժեշտությունը:
Թուրքական կողմի փոխանցմամբ՝ Ֆիդանը կանդրադառնա նաև Գազայում տիրող իրավիճակին՝ Իսրայելին մեղադրելով ցեղասպանությունը շարունակելու մեջ:
Թուրքիայի արտգործնախարարը կշեշտի նաև Թուրքիայի աջակցած տարածաշրջանայինփոխկապակցվածության նախագծերի, մասնավորապես՝ Միջին միջանցքի և Զարգացման ճանապարհի դերը CICA-ի անդամ երկրների տարածաշրջանում կայունության և բարեկեցությանապահովման հարցում:
Ֆիդանը նաև կխոսի արհեստական բանականության և այլ թվային տեխնոլոգիաների մարդակենտրոն ու բոլորի համար հավասար հասանելի զարգացման անհրաժեշտության մասին։ Կոչ կանի կլիմայի փոփոխության դեմ պայքարում վճռական և կոնկրետ քայլեր ձեռնարկել:
Leave a Reply