Հայաստան-Թուրքիա սահմանը բացելու ժամանակն է․ Միրզոյան

Ժամանակի հրամայականն է բացել Հայաստան-Թուրքիա սահմանը։ Այս մասին Հանրային հեռուստաընկերության եթերում հայտարարել է ՀՀ արտաքին գործերի նախարար Արարատ Միրզոյանը։

«Կարսում վերջերս շատ հաջողված գործարար համաժողով տեղի ունեցավ։ Թուրքական կողմի առաջարկով պլանավորում ենք մյուսն անցկացնել Հայաստանում, որը տեղի կունենա հոկտեմբերին»,- ասել է Միրզոյանը։

ԱԳ նախարարն անդրադարձել է նաև Հայաստանի և Ռուսաստանի հարաբերություններին՝ ընդգծելով, որ դրանք իրավական, տնտեսական և քաղաքական առումներով դուրս են ռազմավարական գործընկերության շրջանակից։

«Ռուսաստանը, ըստ էության, իրավական, տնտեսական, քաղաքական առումներով ավելին է, քան ռազմավարական գործընկերը։ Մենք ունենք այնպիսի պայմանագրեր, որոնք մեզ դարձնում են դաշնակիցներ, որը ավելին է, քան ռազմավարական գործընկերը»,- հայտարարել է Միրզոյանը։

https://auroranews.am/news/2026-08-31-hayastan-thvourqia-sahmany-bacelvou-zhamanakn-e-mirzvoyan