Թուրքիայի նախագահ Ռեջեփ Թայիփ Էրդողանի կինը՝ Էմինե Էրդողանը, շնորհավորել է Ադրբեջանի նախագահ Իլհամ Ալիևի կնոջ և Ադրբեջանի նախագահի առաջին փոխնախագահ Մեհրիբան Ալիևայի ծննդյան օրը։
Ինչպես հայտնում է Ադրբեջանի նախագահի աշխատակազմը, Էմինե Էրդողանը հեռախոսազրույց է ունեցել Մեհրիբան Ալիևայի հետ։
Էմինե Էրդողանը Ալիևային մաղթել է առողջություն և նոր հաջողություններ՝ նշելով, որ նրա բարեգործական գործունեությունը մեծ գնահատանքի է արժանանում ամբողջ աշխարհում։Ալիևան իր հերթին շնորհակալություն է հայտնել Էմինե Էրդողանին ցուցաբերած ուշադրության և ծննդյան օրվա առթիվ շնորհավորանքի համար։
Նշվում է, որ հեռախոսազրույցի ընթացքում գոհունակությամբ անդրադարձ է կատարվել Էմինե Էրդողանի և Մեհրիբան Ալիևայի միջև ջերմ հարաբերություններին։
Մեհրիբան Ալիևան և Էմինե Էրդողանը վստահություն են հայտնել, որ Ադրբեջանի և Թուրքիայի միջև եղբայրական և ռազմավարական դաշնակցային հարաբերությունները հետագայում ևս հաջողությամբ կզարգանան։
Leave a Reply