ՀՑԹԻ-ում բանախոսությանը ներկայացրել է Թեհլիրյանի բեռլինյան բանտային օրագրությունը

Ապրիլի 4-ին Հայոց ցեղասպանության թանգարան ինստիտուտում տեղի է ունեցել հանրային բանախոսություն՝ նվիրված Սողոմոն Թեհլիրյանի ծննդյան 130-ամյակին: Միջոցառմանը ներկա է եղել նաև Թեհլիրյանի ազգակցականներից Արփի Օսկանյան (Թեհլիրյանը):

Բանախոսը ՀՑԹԻ գլխավոր ֆոնդապահ Գոհար Խանումյանն էր: Նա ներկայացրել է Թեհլիրյանի բեռլինյան բանտային օրագրությունը՝ առաջին անգամ այն դնելով գիտական շրջանառության մեջ: Թեհլիրյանի օրագրությունը պահվում է Հայաստանի ազգային արխիվում: 1980-ականների սկզբին այն Խորհրդային Հայաստան է բերել Սողոմոնի կինը՝ Անահիտ Թաթիկյանը: Օրագրության՝ տարիներ անց արտագրված, ոչ ամբողջական տարբերակը պահպանվում է «ՀՅ Դաշնակցութեան պատմութեան թանգարան»-ում: Բանախոսն անդրադարձել է Թեհլիրյանի՝ որպես վերապրողի ներանձնական-հոգեբանական մեկնաբանություններին, հետտրավմատիկ հիշողություններին, օրագրի կառուցվածքային և բովանդակային առանձնահատկություններին:

Դասախոսության ավարտին տեղի է ունեցել քննարկում և հարցուպատասխան: Առաջարկվել է հրատարակել օրագրությունը՝ գիտական ծանոթագրություններով, ինչը հնարավություն կընձեռի ծանոթանալ Թելիրյանի կրթական մակարդակին, նրա լեզվամտածողությանը, գրական ոճին, հետցեղասպանական շրջանում հետտրավմատիկ հիշողությանը:

Հայոց ցեղասպանության թանգարան-ինստիտուտ

https://www.aravot.am/2026/04/07/1548712/?fbclid=IwY2xjawRC2cBleHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEe9RY3K3MykGTk8rc6FT6EbFeEyl6pOfRJ-9gmeY0ZpXaEhVvfuD74eyYOGS4_aem_Og2WbtPdTz5imA4Hp2Oi7w