Էփշտեյնի գործով հրապարակված փաստաթղթերի թվում գրառումներ են հայտնվել տարածաշրջանում նախագահ Էրդողանի գործողությունների մասին։ Դրանք ցույց են տալիս, որ դեռևս 2012 թվականին նա ակտիվորեն վերացրել է Թուրքիայում իսրայելական գործակալական ցանցը, գրում է «Գոլոս Տուրցիի» Telegram-ալիքը։
«Էրդողանը թուրքական զինված ուժերը մաքրում է նրանցից, ովքեր պատմականորեն համագործակցել են Իսրայելի հետ», – ասված է Դան Դուբնոյի՝ Ջեֆրի Էփշտեյնին ուղղված 2012 թվականի հունվարի 27-ի նամակում։
Նամակագրության մեջ նաև նշվում է, որ Էրդողանը ինչպես Թուրքիայում, այնպես էլ Մերձավոր Արևելքում հաջողությամբ ամրապնդում է ազդեցությունը մուսուլման բնակչության շրջանում՝ միաժամանակ խզելով կապերը Իսրայելի հետ։
«Էրդողանը դրսևորում է նեոօսմանյան հավակնություններ և անկեղծորեն զզվանք է զգում Նեթանյահուի դիվանագիտորեն բութ վարչակազմի հանդեպ (ավելի շատ նրա կոալիցիայի, քան անձամբ Բիբիի նկատմամբ)…», – գրում է Դուբնոն։
Նամակի հեղինակը մատնանշում է Թել Ավիվի զայրույթը Անկարայի տարածաշրջանային գործողությունների նկատմամբ, որոնք ուղղված են Հյուսիսային Կիպրոսում Թուրքիայի շահերի պաշտպանությանը։
«Թուրքիայի չափազանց ագրեսիվ ծովային մանևրները, որոնք ուղղված են Իսրայելի շահերի և Կիպրոսի նավթագազային հանքավայրերի դեմ, լարվածություն են առաջացնում», – նշում է Դուբնոն։
Նա հավելում է, որ այդ գործողությունները կարող էին դրդել իսրայելական կողմին՝ աջակցել Թուրքիայի սահմանին գտնվող քրդական զինված կազմավորումներին. «Ամենայն հավանականությամբ, իսրայելական օպերատիվ աշխատակիցները, ի հեճուկս թուրքերի, աշխատում են քրդերին աջակցելու ուղղությամբ՝ թուրքերին ու իրանցիներին պարզապես անհանգստանալու նոր առիթներ տալու համար»։
Նշենք նաև, որ Էփշտեյնի գործով հրապարակված այլ նյութերում պարունակվում են պնդումներ նրա՝ իսրայելական հետախուզության հետ հնարավոր կապի մասին։
Leave a Reply