Ըստ թուրքական լրատվամիջոցների՝ Իգդիրում տեղի է ունեցել քննարկում Հայաստանի հետ Ալիջան սահմանային անցակետի բացման վերաբերյալ։
Հաղորդվել է, որ Հանրապետական ժողովրդական կուսակցության` Իգդիրի տարածաշրջանային մասնաճյուղը Իգդիրի առևտրաարդյունաբերական պալատին ներկայացրել է համապարփակ գործողությունների ծրագիր՝ «սահմանային անցակետի բացումից հետո զբոսաշրջիկների սպասվող հոսքի կապակցությամբ»։
Ընդգծվել է, որ «պատրաստվել է Ալիջան սահմանային անցակետի բացման վերաբերյալ կարևոր զեկույց, որը ներառում է դրույթներ՝ Հայաստանից զբոսաշրջիկներին ընդունելու և սպասարկման չափանիշները բարձրացնելու համար»։
Իգդիրի առևտրաարդյունաբերական պալատի ղեկավար Քամիլ Արսլանը հայտարարել է. «Մենք կաշխատենք ապահովել բոլոր հարմարությունները ներգնա զբոսաշրջիկների համար։ Մասնավորապես, մենք կակտիվացնենք մեր տեղեկատվական գործունեությունը, որպեսզի օգնենք մեր առևտրականներին հարմարվել այս գործընթացին»։
Leave a Reply