Թուրք լոբբիստները որոշել են բողոքել աշխարհի 30 երկրում տեղադրված Ցեղասպանության հուշարձանների դեմ

Թուրքիայի Լոբբիստական ռազմավարական հետազոտությունների կենտրոնը որոշել է բողոքի նոտաներ հղելու ակցիա սկսել ընդդեմ բոլոր այն պետությունների, ովքեր ճանաչել են Հայոց ցեղասպանությունը կամ Ցեղասպանության զոհերի հիշատակին նվիրված հուշակոթողներ տեղադրել։

Կենտրոնի տարածած հաղորդագրության մեջ հիշեցվում է, որ աշխարհի 22 երկիր Հայոց ցեղասպանությունը ճանաչելու մասին համապատասխան օրենք է ընդունել, իսկ Ցեղասպանության զոհերին նվիրված հուշարձան կառուցվել է աշխարհի 30 երկրում։

Ընդհանուր առմամբ՝ աշխարհում Հայոց ցեղասպանությանը նվիրված 132 հուշակոթող կա։

Թուրք լոբբիստներն ուշադրություն են հրավիրել այն հանգամանքի վրա, որ այդ հուշարձանների մոտ թուրքերը բողոքի ակցիաներ չեն կազմակերպել և սպառնացել են «խախտել լռությունը»։

http://tert.am/am/news/2012/12/18/turkish-lobby/