ԱՄՆ-ի Կրոնական ազատության հանձնաժողովը «մտահոգ» է Էրգենեքոնի կապակցությամբ

ԱՄՆ-ի Կրոնական ազատության հանձնաժողովը (USCIRF) իր վերջին տարեկան զեկույցում շարունակել է Թուրքիային պահել Հետևելու ցուցակում` կրոնական ազատության խախտումների պատճառով, իսկ Էրգենեքոնի կապակցությամբ փոքրամասնության առաջնորդների և մզկիթ ռմբակոծելու վերաբերյալ ենթադրությունները որակել է «վերին աստիճանի մտահոգության տեղիք տվող»:

Զեկույցի «Էրգենեքոնի դավադրությունը և կրոնական փոքրամասնությունների նկատմամբ բռնությունը» վերնագրով հատվածում արձանագրվել է, որ թուրք իրավասուները ճնշումներ են գործադրում «բանակի և անվտանգության ուժերի և դատական ու աշխարհիկության հետևորդ քաղաքական ընտրյալների հետ կապեր ունեցող ծայրահեղ ազգայնամոլ և ընդհատակյա կազմակերպություն» հանդիսացող Էրգենեքոնի հանդեպ:

Տրապիզոնում՝ քահանա Անդրեա Սանտորոյի, Մալաթիայում՝ «Զիրվե» հրատարակչատանը երեք քրիստոնյա միսիոներների և հայ լրագրող Հրանտ Դինքի սպանությունները զեկույցում հիշատակվում են որպես Էրգենեքոնի հետ ենթադրյալ կապեր ունեցող դեպքեր, ինչպես նաև խոսվում է Էրգենեքոնի դավադիրների` Հունաց և Հայոց պատրիարքներին, ինչպես նաև` մեկ ալևի և մեկ հրեա հոգևոր առաջնորդի սպանելու ծրագրերի մասին: Զեկույցում նշվում է. «Էրգենեքոնի հետ առնչվող մեկ այլ դատական գործում ենթադրվում է, թե թուրքական բանակի մի գեներալ, մուսուլմանական քարոզիչ Ֆեթհուլլահ Գյուլենի հետևորդների տներում զենք տեղավորելով, կազմակերպել է իսլամական մարտականության վախ հարուցելուն ուղղված դավադրություն»: Զեկույցում, որում անդրադարձ կա նաև Մուրճ գործողության դատական գործին, մատնանշվում է նաև, թե ըստ ենթադրությունների` Էրգենեքոնի դատական գործն օգտագործվում է կառավարության ընդդիմադիրներին լռեցնելու համար: Կրոնական ազատության հանձաժողովի հրապարակած այն հատվածում, որում ընդգրկված է էքսպերտ Զիա Մերալի նշումը, ուշադրություն է հրավիրվում այն հանգամանքի վրա, որ քրիստոնյաների դեմ հարձակումները Էրգենեքոնի գործով որոշ ձերբակալություններից հետո նվազել են:

Զեկույցում նշվել է նաև, թե Թուրքիայում «պետական աշխարհիկությունը» «արձանագրելը արժանի չափով» սահմանափակել է հատկապես կրոնական փոքրամասնությունների, հիմնականում սուննի մուսուլմանների և ալևիների ազատությունները: Զեկույցում կոչ է արվում ԱՄՆ-ի կառավարությանը` Անկարային խրախուսել Հեյբելի կղզու հոգևոր դպրոցի բացման, կանանց` կրոնական և ոչ կրոնական տեսակետները հագուստի միջոցով (օրինակ` գլխաշորի) արտահայտելու հարցերում ազատություններ շնորհելու ուղղությամբ:

Նյութը ներկայացնում ենք կրճատումներով

Ալի Հ. Ասլանը հաղորդում է Վաշինգտոնից

29.04.2011

http://www.zaman.com.tr/haber.do?haberno=1127578

Leave a Reply

Your email address will not be published. Required fields are marked *