Թուրքիայի արտգործնախարար Հաքան Ֆիդանը սեպտեմբերի 17-ին ԱՄՆ-ի Նյու Յորք քաղաքում մի շարք հանդիպումներ է ունեցել:

Ֆիդանը հանդիպել է Իռլանդիայի փոխվարչապետ, արտգործնախարար և պաշտպանության նախարար Մայքլ Մարտինի հետ:

Նշվում է, որ հանդիպման ընթացքում կողմերը քննարկել են երկկողմ հարաբերություններին, բարձ մակարդակում փոխադարձ այցերին, Սևծովյան հացահատիկային նախաձեռնության, Կիպրոսի շուրջ տեղի ունեցող վերջին զարգացումներին, ինչպես նաև Թուրքիա-Եվրամիություն (ԵՄ) հարաբերություններին վերաբերող մի շարք հարցեր:

Նույնը օրը Ֆիդանն ԱՄՆ-ում հանդիպել է նաև Գերմանիայի արտգործնախարար Աննալենա Բերբոկի հետ:

Թուրք և գերմանացի գործընկերների հանդիպմանը քննարկվել են մաքսային միության նորարացման,  վիզայի ազատականացման և ԵՄ-ին Թուրքիայի անդամակցության գործընթացները, Կիպրոսի շուրջ ծավալվող վերջին զարգացումները, Սևծովյան հացահատիկային նախաձեռնությունը, ՆԱՏՕ-ին Շվեդիայի անդամակցությունը, ինչպես նաև կլիմայական փոփոխությունները:

Նշենք, որ Հաքան Ֆիդանը, Թուրքիայի նախագահ Ռեջեփ Թայիփ Էրդողանի  հետ ԱՄՆ-ի Նյու Յորք քաղաքում գտնվում է դեռևս սեպտեմբերի 16-ից: Նրանք այնտեղ են մասնակցելու ՄԱԿ-ի Գլխավոր ասամբլեայի 78-րդ նստաշրջանին։

https://www.ermenihaber.am