ԱԿԱՆՑ. գյուղաքաղաք Արևմտյան Հայաստանում՝ Վասպուրականի Արճեշ գավառում՝ Վանա լճի հյուսիսային ափին: Հին Արճեշ քաղաքի ջրասուզումից հետո դարձել է գավառի կենտրոնը: Պահպանվել են XVդ. 2-րդ կեսին Ականցում ընդօրինակված երկու Ավետարան:
XX դ. սկզբին ուներ 250 տուն հայ բնակչություն, որոնք զբաղվում էին երկրագործությամբ, անասնապահությամբ, ձկնորսությամբ, արհեստներով և առևտրով: Գործում էին երկու եկեղեցի (Ս.Թադևոս, Ս.Գևորգ), երկու վարժարան (տղաների և օրիորդաց), գրադարան-ընթերցարան:
Ականցի հայերը բռնությամբ տեղահանվել են 1915թ. Մեծ եղեռնի ժամանակ: Նրանց մեծ մասը զոհվել է, փրկվածներն ապաստանել են Արևելյան Հայաստանում:
Հայկական համառոտ հանրագիտարան, Հատոր 1, Երևան, 1990:
