ԱՂԻՆ, Վաղավեր. գյուղաքաղաք Փոքր Հայքում՝ Արաբկիրի գավառում՝ Արաբկիրից 25 կմ արևելք՝ Եփրատից 3 կմ աջ: Եղել է գավառակապետի նստավայրը:

XXդ. սկզբին ուներ 200 տուն հայ բնակչություն, եկեղեցի (Ս.Աստվածածին) և վարժարան (Լուսավորչյան): Զբաղվում էին արհեստներով (կոշկագործություն, դերձակություն, խեցեգործություն և այլն), երկրագործությամբ, այգեգործությամբ (Աղինը հռչակված էր պտղատու և խաղողի այգիներով):

Աղինի հայերը բռնությամբ տեղահանվել են 1915թ. Մեծ եղեռնի ժամանակ: Մեծ մասը զոհվել է գաղթի ճանապարհին:

Հայկական համառոտ հանրագիտարան, Հատոր 1, Երևան, 1990: