ԿԵՄԵՐԵԿ

ԿԵՄԵՐԵԿ, Գամրակ. գյուղաքաղաք Արևմտյան Հայաստանի Սեբաստիայի նահանգում՝ Սեբաստիա քաղաքից 90 կմ հարավ-արևմուտք և Հալիս գետից 3 կմ հարավ՝ երկու բլրի միջև՝ ընդարձակ հովտում: Հիմնել են Կիլիկիայից գաղթած հայերը (XVIդ. սկիզբ): Կեմերեկի յոթ թաղերը բաժանված էին վերի (բարձրադիր) և վարի մասերի: Տները կառուցված էին սանդղաձև:

1913թ. Կեմերեկի 1252 տուն բնակիչներից հայեր էին 902 տունը: Ունեին եկեղեցիներ (Ս.Աստվածածին և Ս.Լուսավորիչ), երկու վարժարան: Զբաղվում էին հիմնականում արհեստներով առևտրով:

1915թ. Մեծ եղեռնի ժամանակ բռնությամբ տեղահանվել են: Մեծ մասը զոհվել է: Սակավաթիվ փրկվածներից ոմանք վերադարձել են Կեմերեկ, ուր 1946թ. կար 245 (40 տուն) հայ բնակիչ: Կեմերեկի շառավիղներ են ապրում նաև Երևանում:

Հայկական համառոտ հանրագիտարան, Հատոր 2, Երևան, 1995:

Leave a Reply

Your email address will not be published. Required fields are marked *