Թուրքիոյ արտաքին գործոց նախարարը պիտի այցելէ Ազրպէյճան

Ազրպէյճանի արտաքին գործոց նախարար Ճէյհուն Պայրամով շնորհաւորած է Թուրքիոյ արտաքին գործոց նոր նախարար Հաքան Ֆիտանը արտաքին գործոց նախարար նշանակուելուն առիթով եւ զինք հրաւիրած այցելելու Պաքու:

Ֆիտան շնորհակալութիւն յայտնած է Պայրամովին «շնորհաւորանքին եւ բարի խօսքերուն համար ու սիրով ընդունած» հրաւէրը: Ազրպէյճանական լրատուամիջոցները կը գրեն, որ երկու նախարարները հեռաձայնային հաղորդակցութիւն ունեցած են:

Կողմերը միտքեր փոխանակած են երկու երկիրներուն միջեւ «եղբայրական, բարեկամական ու ռազմավարական գործընկերութեան տարբեր երեւոյթներու, շրջանային խնդիրներու շուրջ»:

Leave a Reply

Your email address will not be published. Required fields are marked *