ԱՄՆ Պետական դեպարտամենը հրապարակել է Միջազգային կրոնական ազատության հանձնաժողովի՝ 2022 թ․ միջազգային կրոնական ազատության մասին զեկույցը, որտեղ ներկայացված են տարբեր երկրների կրոնական ազատության մակարդակը և առկա խնդիրները։
Այսպես, Թուրքիային վերաբերող զեկույցում ասվում է, որ չնայած երկրի սահմանադրությամբ արգելվում է կրոնի խտրականությունը, կառավարությունը շարունակում է սահմանափակել մահմեդական և ոչ մահմեդական կրոնական փոքրամասնությունների իրավունքները, հատկապես նրանց, որոնք ճանաչված չեն 1923 թ․ Լոզանի համաձայնագրի՝ կառավարության մեկնաբանությամբ, որը միան ներառում է Հայ առաքելական եկեղեցու հետևորդներին, հրեաներին և Հույն ուղղափառ եկեղեցու հետևորդներին։
Կառավարությունը շարունակում է չճանաչել ոչ մահմեդական փոքրամասնությունների ղեկավարությանը կամ վարչական կառույցները, ինչպիսիք են Կոստանդնուպոլսի հայ առաքելական պատրիարքարանը, Կոստանդնուպոլսի տիեզերական պատրիարքարանը և գլխավոր ռաբինատը՝ որպես իրավաբանական անձինք, ինչը նրանց թույլ չի տալիս գնել կամ սեփականության իրավունք ունենալ կամ դատարանում պահանջներ ներկայացնել:
Հղում անով Jerusalem Post-ին՝ նշվում է, որ հունվարին թուրքական իշխանամետ լրատվամիջոցները հոդված են հրապարակել, որտեղ նշվում է, որ «հրեական ազդեցություն» է ներգրավված եղել «հայերի տեղահանության» մեջ՝ հղում անելով Առաջին համաշխարհային պատերազմից հետո Հայոց ցեղասպանությանը:
Մարտին դատարանը արդարացրել է երեք տղամարդու, ովքեր մեղադրվում էին 2021 թ․ «կրոնական արժեքները վիրավորելու» մեջ այն բանից հետո, երբ նրանք տեսանկարահանել են իրենց Ստամբուլի Սուրբ Թագավոր հայկական եկեղեցու դարպասների վրա պարելիս և դրանց վրա գտնվող խաչը վնասելիս։
Ապրիլին «Ակօս»-ի սյունակագիրն անդրադարձել է Ստամբուլի Բոմոնթի Միհիթարյան հայկական դպրոցի դարպասի վրա գծված սվաստիկային և նշել Հոլոքոստի և պատմության ընթացքում իրականացված այլ ցեղասպանությունների մասին կրթության բարելավման անհրաժեշտության մասին:
