Թուրքիայի Անթաքիա նահանգի Դեֆնե շրջանում, որտեղ մեծամասամբ բնակվում են արաբ ալևիներ, պատերին  ռասիստական բնույթի թուրքերեն գրառումներ են հայտնվել:

Ըստ թուրքական ընդդիմադիր մամուլի՝ թուրքական ազգայնամոլական Գորշ գայլեր կազմակերպության քաղաքական թևը հանդիսացող Ազգայնական շարժում (MHP-ԱՇԿ) կուսակցությունը, որը երկրաշարժի օրերին ոչ մի գործուն քայլ չի ձեռնարկել ժողովրդին օգնելու համար, Անթաքիայի Դեֆնե շրջան մեկնած հատուկ ջոկատայինների ձեռքով պատերին ռասիստական գրառումներ է արել և երեք կիսալուսին նկարել:

Գրառման մեջ մասնավորապես ասվում է. «Հաթայը թուրքական է, թուրքական էլ կմնա»:

Դեֆնեի բնակիչը պնդում է, որ այդ գրառումը հայտնվել է հատուկ ջոկատայինների՝ շրջան մուտք գործելուց հետո միայն:

Ermenihaber.am