ՃԿԵՐ. համանուն կենտրոնով գավառ Կիլկիյան Հայաստանի հարավարևելյան անկյունում՝ Հայոց (Ալեքսանդրետ) ծոցի արևելյան ափամերձ շրջանում:
1185թ. Ռուբեն Գ իշխանը Ճկերը և այլ բերդեր հարկադրաբար զիջել է Անտիոքի դքսությանը և ազատվել գերությունից: Սակայն նրա եղբայր իշխան Լևոնը (Լևոն Բ) նույն թվականին ազատագրել է այդ բերդերը (Ճկերի բերդատեր իշխանը հիշվում է Լևոն Բ-ի թագադրման արարողության մասնակիցների թվում):
1214թ. Լևոն Բ-ն Ճկերը պարգևել է խաչակիր ասպետներին` հարկային և զինվորական ծառայության դիմաց: Լևոն Բ-ի և խաչակիր ասպետների միջև կնքված լատիներեն պարգևագրում Ճկեր բերդից և Մաշկևոր վանքից բացի գավառում հիշատակվում է 10 այլ բնակավայր, որոնցից հայտնի է միայն Պայաս գյուղը:
