Թուրքիայի Ներքին գործերի նախարար Սոյլուն արձագանքել է Ստամբուլում Նիդեռլանդների, Անգլիայի, Գերմանիայի և Ֆրանսիայի գլխավոր հյուպատոսությունները ժամանակավորապես փակելու որոշմանը։ Սոյլուն պնդել է, որ այս կերպ «հոգեբանական պատերազմ է մղվում Թուրքիայի դեմ»։

Սոյլուն ասել է.«Թուրքիայի դեմ հոգեբանական պատերազմ է տարվում, ամեն ինչ շատ պարզ ու հստակ է. շարժվում են՝ կայուն Թուրքիա թող չլինի, «ինչ լինում է թող լինի» տարամաբանությամբ:

Թուրքիայի ներքին գործերի նախարարը տեղեկացրել է նաև, որ 15 հոգի բերման են ենթարկվել, 5 հոգի ձերբակալվել են, և որ բոլորը գիտեն, թե ով է այդ հատուկ ծառայությունների աշխատակիցը:

Ըստ Սոյլուի՝ դեսպանները փորձում են հատուկ գործողություն իրականացնել Թուրքիայում, և նրանց այս քայլը հրավեր է Թուրքիայում գործողություններ կատարելու համար:

Ermenihaber.am