Թյուրքական պետությունների կազմակերպության 9-րդ գագաթնաժողովին մասնակցող համար Ուզբեկստանի Սամարղանդ քաղաքում գտնվող Թուրքիայի նախագահ Ռեջեփ Թայիփ Էրդողանը հանդիպում է ունեցել Ադրբեջանի նախագահ Իլամ Ալիևի հետ։ Մամուլի համար դռնփակ ռեժիմով անցկացված հանդիպումը տևել է 1 ժամ։ Դրանից առաջ էլ Էրդողանը հանդիպել էր Ուզբեկստանի նախագահ Շավքաթ Միրզիյոևի հետ։ Վերջինս Թուրքիայի նախագահին էր հանձնել Ուզբեկստանի կարևորագույն պարգևներից «Բարձր մակարդակի Իմամ Բուհարի» շքանշանը։
Հիշյալ գագաթնաժողովում ելույթ ունենալիս Էրդողանը համառոտ անդրադարձել է հարավկովկասյան տարածաշրջանում տիրող իրավիճակին՝ ասելով. «Հարավային Կովկասում խաղաղության գործընթացը դեռևս շարունակում է մնալ փխրուն՝ չնայած ջան Ադրբեջանի հանդես է գալիս նախաձեռնություններով»։ Թուրքիայի ղեկավարը շեշտել է, որ իրենք Ադրբեջանի կողքին են նրա «խաղաղության փնտրտուքներում» ճիշտ այնպես, ինչպես եղել են Ադրբեջանի մղած պայքարում։
Սամարղանդում անցկացվող գագաթնաժողովի շրջանակներում թյուրքական աշխարհին մատուցած ծառայությունների համար Թուրքիայի նախագահին հանդիսավոր արարողությամբ հանձնվել է «Թյուրքական աշխարհի բարձրագույն շքանշանը»։
Էրդողանն էլ իր ելույթում ընդգծել է, որ թյուրքական աշխարհն այսօր ավելի ուժեղ է, քան երեկ։ Խոսելով կազմակերպության անդամ երկրների հաջողությունների մասին՝ նա համառոտ անդրադարձել է նաև Արցախում Իլհամ Ալիևի կատարած աշխատանքներին։
Թուրքիայի նախագահը նշել է, որ տեսնում է, թե 2 տարում ինչ հսկայական ենթակառուցվածքային աշխատանքներ է արել իր եղբայր Ալիևը Ղարաբաղում։
