Հունաստանը կստեղծի վահան թուրքական անօդաչուներին դիմակայելու համար. Kathimerini

Թուրքական անօդաչուներից բխող սպառնալիքը հայտնվել է ոչ միայն հունական զինված ուժերի, այլեւ արտաքին քաղաքականության ուշադրության կենտրոնում. թուրքական անօդաչու թռչող սարքերը վերջին ամիսներին գլխավորել են Անկարայի սադրանքներն Էգեյան ծովում։

Այս անհանգստությունը խորանում է նրանով, որ դրանք սկսել են ավելի հաճախ օգտագործվել Հունաստանի ազգային օդային տարածքը խախտելու համար՝ թռչելով հունական կղզիների երկնքում։

Դրանք նաեւ արտահանվում են Աֆրիկա, Ասիա եւ Եվրոպա։ Թուրքիայի նախագահ Ռեջեփ Թայիփ Էրդողանն ընդգծել է, որ երկրի զինված ուժերը «ամենուրեք ներկա են մեր անօդաչու թռչող սարքերով»։

Ի պատասխան այդ սպառնալիքների՝ Հունաստանի պաշտպանության նախարարությունը փորձում է պատնեշել Էգեյան ծովը անօդաչուների ոտնձգություններից՝ կղզիներում տեղակայելով հակամիջոցներ, գրել է հունական Kathimerini-ն։

Թուրքիայի արդյունաբերության նախարար Մուսթաֆա Վարանքի խոսքով՝  այդ երկրի զինված ուժերը առնվազն 200 անօդաչու սարք ունեն։

Երկուշաբթի Baykar ընկերության տնօրեն Սելջուք Բայրաքթարը, որը նաեւ Էրդողանի փեսան է, ներկաայցրել է «Kizil Elma»-ն (Կարմիր խնձոր)՝ նոր մոդելի անօդաչու կործանիչ, որը պատրաստում է Թուրքիան եւ որի առաջին թռիչքը սպասվում է 2023թ. մարտին։

Ամենակարեւոր անօդաչու կործանիչը եւ, գուցե, ամենահաջողը, համարվում է Bayraktar TB2-ը։

Արտադրվել է 300 նման ինքնաթիռ, իսկ թուրքական անվտանգության ուժերն ունեն մոտ 180 նման ինքնաթիռ։ Դրանք օգտագործվում են տանկերին եւ զրահապատ մարտական մեքենաներին թիրախային հարվածներ հասցնելու համար։ Այդ անօդաչու ինքնաթիռների արտահանման հաջողությունները տպավորիչ են. դրանք վաճառվել կամ մատակարարվել են Ադրբեջան, Ուկրաինա, Կատար, Լիբիա, Թուրքմենստան, Նիգերիա եւ Պակիստան, տեղեկություններ կան Եթովպիա, Ջիբութի եւ Ղրղըզստան մատակարարումների մասին։ Լեհաստանը պատվիրել է 24 Bayraktar TB2։

«Այդ անօդաչուներն ապացուցել են իրենց հնարավորությունները Լեռնային Ղարաբաղում մարտական գործողությունների ժամանակ, որոնց արդյունքում Ադրբեջանը հաղթանակեց, ինչպես նաեւ ռուսական զորքերին ուկրաինական հարվածների ընթացքում»,- նշել է ԶԼՄ-ն։

Bayraktar Akinci-ն ընկերության երկրորդ անօդաչու ինքնաթիռն է, որը կարող է երկիր-օդ» եւ «օդ-օդ» համակարգեր կրել։

Թուրքական աերոտիեզերական արդյունաբերությունը (TUSAS) նույնպես զբաղվում է անօդաչուների արտադրությամբ, ինչպիսին է Anka-ն, որից այսօրվա դրությամբ մատակարարվել է մոտ 40-ը, եւս ութը կմատակարարվի Թունիս եւ երեքը՝ Ղազախստան։ Ընկերությունը կառուցում է նաեւ Aksungur ինքնաթիռներ։

https://yerkir.am/news/view/277217.html

Leave a Reply

Your email address will not be published. Required fields are marked *