Վանա լճի Աղթամար կղզում գտնվող Սուրբ Խաչ հայկական եկեղեցում ամենամյա պատարագն այս տարի կմատուցվի սեպտեմբերի 4-ին։ Այդ մասին հաղորդում է Akunq.net-ը՝ վկայակոչելով թուրքական «Ջումհուրիյեթ» պարբերականում հրապարակված տեղեկությունը։

Աղբյուրի համաձայն՝ այս կիրակի նախատեսվող պատարագից առաջ մեկնաբանություններով հանդես եկած Թուրքիայի Մշակույթի և զբոսաշրջության նախարարության նահանգային վարչության տնօրեն Էրոլ Ուսլուն հիշեցնելով, որ վերականգնումից հետո առաջին պատարագն այստեղ մատուցվել էր 2010 թ․, նշել է․ «Բոլոր միջոցները ձեռնարկել ենք, որպեսզի որևէ խնդիր չլինի։ Մեր անվտանգության ուժերն անհրաժեշտ միջոցներ են ձեռնարկել տարածքի անվտանգությունն ապահովելու համար։ Հուսով ենք, որ այս տարվա պատարագը, որ արդեն 10-րդը կլինի, կանցնի խաղաղության, հանգստության և վստահության մթնոլորտում»։

Ուսլուն նաև հավելել է, որ վերջին տարիներին համավարակի պատճառով աղթամարյան պատարագների մասնակիցների թիվը սահմանափակ էր լինում, սակայն այս տարի նման սահմանափակումներ չեն դրվելու, և միայն Կ․Պոլսո Հայոց պատրիարքարանի 46 հոգանոց պատվիրակություն է մասնակցելու պատարագին։

https://www.cumhuriyet.com.tr/turkiye/akdamar-kilisesi-10-ayine-ev-sahipligi-yapacak-1976403

Թարգմանեց Մելինե Անումյանը

Akunq.net