ՆԱՏՕ-ի ցամաքային զորքերի շտաբը (LANDCOM) սոցցանցերի իր էջերից հեռացրել է Թուրքիայի շնորհավորանքները 1922 թ. Փոքր Ասիայում Հունաստանի դեմ տարած հաղթանակի օրվա կապակցությամբ, հայտնում է Աթենքի AMNA լրատվական գործակալության փոխանցմամբ։
Թուրքիան այս տարի նշում է Դումլուփընարի ճակատամարտում հույների դեմ տարած հաղթանակի 100-ամյակը, որը բեկումնային դարձավ թուրք ժողովրդի ազգային-ազատագրական պայքարում։ Հունաստանի համար այդ հաղթանակը աղետի վերածվեց Փոքր Ասիայում։
ՆԱՏՕ-ի ցամաքային զորքերի շտաբը, որը գտնվում է թուրքական Իզմիրում, օգոստոսի 30-ին Twitter-ում գրել էր, որ «այսօր լրանում է Թուրքիայի անկախության 100-ամյակը»։ «Մենք միանում ենք ՆԱՏՕ-ում եւ դրանից դուրս մեր թուրք դաշնակիցներին՝ տոնելու նրանց Հաղթանակը եւ Թուրքիայի Զինված ուժերի օրը»,- ասված է շնորհավորանքում։
Հունաստանի ԱԳՆ-ի փոխանցմամբ՝ ՆԱՏՕ-ում Հունաստանի մշտական ներկայացուցիչը խիստ բողոք է հայտնել ՆԱՏՕ-ի գլխավոր քարտուղարին՝ ընդգծելով, որ այդպիսի շնորհավորանքները ոչ միայն տեղին չեն, այլեւ անընդունելի են։ ՆԱՏՕ-ի հույն զինվորականները համանման շնորհանդեսով հանդես կգան ՆԱՏՕ-ի Գերագույն շտաբում (SHAPE), որը ներառում է ցամաքային զորքերի շտաբը, հայտնել են ԱԳՆ-ում։
