Իլհամ Ալիևը հանդիպել է Հյուսիսային Կիպրոսի ինքնահռչակ թուրքական պետության նախագահի հետ

Թուրքիայում գտնվող Ադրբեջանի նախագահ Իլհամ Ալիևը հանդիպել է Հյուսիսային Կիպրոսի ինքնահռչակ թուրքական պետության նախագահ Էրսին Թաթարի հետ: Ինչպես տեղեկացնում է «Արմենպրես»-ը, այս մասին հայտնում են ադրբեջանական լրատվամիջոցները` վկայակոչելով Ադրբեջանի նախագահի մամուլի ծառայությունը:

«Oգոստոսի 9-ի Ադրբեջանի նախագահ Իլհամ Ալիևը Քոնիայում ընդունել է Հյուսիսային Կիպրոսի Թուրքական Հանրապետության նախագահ Էրսին Թաթարին»,- նշված է հաղորդագրության մեջ:

1974 թ․ հուլիսի 20-ին Թուրքիան ներխուժեց Կիպրոս՝ օկուպացնելով կղզու հյուսիսային հատվածը: Թուրքական ուժերը Հյուսիսային Կիպրոսից տարհանեցին հարյուր հազարավոր հույների և այն բնակեցրին թուրքերով, իսկ  արդեն 1983 թ․ այստեղ հռչակեցին այսպես կոչված «Հյուսիսային Կիպրոսի Թուրքական Հանրապետությունը», որ ճանաչված չէ միջազգային հանրության կողմից: Այն ճանաչում է միայն Թուրքիան:

https://armenpress.am/arm/news/1089971.html

Leave a Reply

Your email address will not be published.