«Հիւսիսային Սուրիոյ մէջ զինուորական գործողութիւն շղթայազերծելու համար ոչ ոքէ արտօնութիւն պիտի խնդրենք եւ ստիպուած չենք ոեւէ մէկը տեղեակ պահելու» կ՛ըսէ Քալըն

Թուրքիոյ նախագահի բանբեր Իպրահիմ Քալըն յայտարարեց. «Հիւսիսային Սուրիոյ մէջ զինուորական գործողութիւնը շղթայազերծելու համար ոչ ոքէ արտօնութիւն պիտի խնդրենք, եւ ստիպուած չենք ոեւէ մէկը անոր ժամկէտէն տեղեակ պահելու»:

«Որեւէ պահու կրնանք այդ գործողութիւնը շղթայազերծել` հիմնուելով մեր դէմ եղած ապահովական վտանգներուն մեր գնահատման վրայ», աւելցուց Քալըն:

Թուրքիոյ արտաքին գործոց նախարար Մեւլութ Չաւուշօղլու իր կարգին յայտնեց. «Սպասուող զինուորական գործողութեան նպատակը ահաբեկիչները հիւսիսային Սուրիայէն վտարելն է, եւ ունի քաղաքական նպատակ մը, որ Սուրիոյ հողային ամբողջականութեան պահպանումն է»:

«Միացեալ Նահանգներ ահաբեկչութեան դէմ պայքարին մէջ հաւատարիմ չեն», յայտարարեց թրքական դիւանագիտութեան պետը:

https://www.aztagdaily.com/archives/553621

Leave a Reply

Your email address will not be published.