Ճայերի կոտորած Վանում (տեսանյութ)

Վանա լճում կերի սակավության և տապի հետևանքով ճայերի իսկական կոտորած է սկսվել։ Վանա լճի կղզիներում ուսումնասիրություններ իրականացնող մասնագետներն ահազանգում են, որ խնդիրը կապված է ներկա եղանակին տառեխ ձկնատեսակի վտառների հեռացման հետ։ Այդ մասին, Akunq.net-ի փոխանցմամբ, հաղորդում է թուրքական «Անադոլու» պետական լրատվական գործակալությունը։

Աղբյուրի համաձայն՝ թուրք մասնագետներից մեկը գործակալության թղթակցի հետ զրույցում հայտնել է, որ եթե նախկինում ճայերը սատկում էին նաև վիրուսների հետևանքով, ապա այս տարի հիմնական պատճառը անտանելի շոգն ու կերի բացակայությունն է։

Վանի «Հարյուրերորդ տարի» համալսարանի Բնագիտության ֆակուլտետի դասախոսներից դոկտոր, պրոֆ․ Աթիլլա Դուրմուշը գործակալության թղթակցի հետ զրույցում նշել է, որ ընդհանրապես Վանա լճի ավազանում ճայերի պոպուլացիան բավականին բարձր է։

Նա նաև շեշտել է, որ ամառային ամիսների տապին չեն դիմանում հատկապես ձագ ճայերը։ Մասնագետները, այնուամենայնիվ, ընդգծել են, որ նման միտում ամեն տարի է արձանագրվում, և որ անհանգստանալու կարիք չկա։

https://www.aa.com.tr/tr/yasam/besin-azligi-ve-asiri-sicaklar-nedeniyle-van-golu-havzasinda-marti-olumleri-artti/2642241

Թարգմանեց Մելինե Անումյանը

Akunq.net

Leave a Reply

Your email address will not be published.