Ռիզեի Չամլըհեմշին գավառի Մուրադ գյուղում գերեզմաններում ոսկի պահելու շուրջ ասեկոսեների պատճառով գյուղում արձանագրվել է գանձագողերի հոսք

Անցյալ տարի Չամլըհեմշին գավառի Մուրադ գյուղում, որն ունի 400 բնակչություն` բաղկացած 80 տնից, ճանապարհային շինարարության համար սկսվել է շինարարություն: Այս ընթացքում մայրուղու վրա ի հայտ եկան գմբեթանման բլուրներ, որոնք, համաձայն տարածված լուրերի, հայկական գերեզմաններ են:

Իսկ այն խոսակցությունները, թե նախկինում այդ շրջանում ապրող հայերը հեռանալուց առաջ իրենց ոսկիները թաղել են գերեզմաններում, կարճ ժամանակահատվածում տարածվեց գավառի սահմաններում, որից հետո գանձ որոնողների հոծ խմբեր եկան գյուղ:

Գիշերվա կեսին դետեկտորներով գյուղի շրջակայքում փնտրտուքներ կատարող գանձ որոնողները որոշ վայրերում փոսեր են փորել: Ժանդարմերիան հետապնդում է գանձ որոնղներին, որոնք գյուղացիների դժգոհությունն են առաջացրել:

«Պարզվեց` թուրքերը գերեզմանների հանդեպ հարգանք են տածում»

Գյուղի բնակիչներից Իբրահիմ Քեսիմալը նշեց, որ այն ժամանակ շրջանից հեռացող հայերը գերեզմաններում են պահել իրենց ոսկիները, քանի որ գիտեին, որ «թուրքերը գերեզմանների հանդեպ հարգանք ունեն և չեն մոտենա: Այդ պատճառով էլ գանձերը թաղել են գերեզմաններում: Մեր մեծերը մեզ այսպես են պատմել: Ի հայտ եկած ասեկոսեների պատճառով սկսեցին փոսեր փորել: Ոսկի էին փնտրում: Ասում են, որ ոմանք ոսկի են գտել: Այս ընթացքում մեծացավ գյուղ եկող-գնացողների թիվը: Գիշերները ժանդարմերիան հսկողություն է կատարում»:

«Գյուղում հերթապահություն սկսեցինք»

Իսկ գյուղապետ Հուրշիթ Դուրմուշն ասաց. «Առավոտյան արթնանում և տեսնում ենք, որ շրջակայքում փոսեր են փորված: Ականահատ դետեկտորներ են օգտագործում, և ազդանշանի դեպքում կարծելով թե ոսկի է` փոսեր են փորում: Մենք էլ գյուղում հերթապահություն ենք սկսել»:

Մյուս կողմից՝ պարզվեց, որ ժանդարմերիայի հերթապահությունների արդյունքում մինչ այս պահը որևէ գանձագող չի նկատվել:

Մուհամեդ Քաչար

«Դողան» լրատվական գործակալություն

24.03.2011

http://www.posta.com.tr/turkiye/HaberDetay/Defineciler_bu_koyu_mesken_tuttu.htm?ArticleID=66319

Leave a Reply

Your email address will not be published.