Ադրբեջանի, Թուրքիայի և Ղազախստանի նախարարները ստորագրել են «Բաքվի հռչակագիրը», խոսել «Զանգեզուրի միջանցքի» մասին

Բաքվում կայացել է Ադրբեջանի, Թուրքիայի և Ղազախստանի արտաքին գործերի և տրանսպորտի նախարարների առաջին եռակողմ հանդիպումը։

Ադրբեջանի արտգործնախարար Ջեյհուն Բայրամովը նշել է, որ հանդիպումն անցկացվում է երեք երկրներին հետաքրքրող հարցերի համակարգման և փոխշահավետ հարաբերությունների հիման վրա տարածաշրջանային կապերի ամրապնդման նպատակով։

Արտգործնախարարն ասել է, որ համագործակցության շրջանակներում նախատեսվում է ընդլայնել Բաքու-Թբիլիսի-Կարս միջանցքի հնարավորությունները։

«Մենք քննարկել ենք նոր իրողությունները, որոնք ի հայտ են եկել հայկական օկուպացիայից ադրբեջանական տարածքների ազատագրումից հետո։ Զանգեզուրի միջանցքը հատուկ դեր է խաղում ԵՄ երկրների, Թուրքիայի և Ասիայի ուղղությամբ երթուղու ստեղծման գործում»,- ասել է Բայրամովը։

Հանդիպման արդյունքում ստորագրվել է Բաքվի համատեղ հռչակագիրը։

«Մեր երկրների միջև փոխգործակցություն է հաստատվել։ Այսօր մենք առաջին անգամ ստորագրեցինք եռակողմ համագործակցության հռչակագիր։ Մենք տրանսպորտի ոլորտում համագործակցությունը համարում ենք շատ կարևոր և հեռանկարային։ Այսօր ստորագրված Բաքվի հռչակագիրը կարևոր դեր կխաղա այս բոլոր նախաձեռնությունների ընդլայնման և համապատասխան աշխատանքային խմբի ստեղծման գործում»,- ասել է Բայրամովը։

https://yerkir.am/news/view/274136.html 

Leave a Reply

Your email address will not be published.