Զորյան ինստիտուտի՝ Հայոց ցեղասպանության բանավոր պատմության հավաքածուի բացառիկ ինտերվյուի հիման վրա ստեղծվել է «Արշալույսի լուսաբացը» ֆիլմը

Կանադայում գործող Զորյան ինստիտուտի երազանքներն իրականություն են դարձել։ Կանադայի Զորյան ինստիտուտը 2015 թվականին՝ Հայոց ցեղասպանության 100-րդ տարելիցին, համագործակցության համաձայնագիր էր ստորագել Հայաստանում գործող Բարս Մեդիա մշակութային հիմնադրամի հետ «Արշալույսի լուսաբացը» խորագրով Ավրորա Մարդիկանյանի (Արշալույս Մարտիկանյանի) կյանքի վերաբերյալ անիմացիոն վավերագրական ֆիլմ ստեղծելու նպատակով։ Պատմությունը եւ նյութը հիմնված են Ավրորայի եւ վերջինիս քաղաքից վեց այլ վերապրածների վկայությունների վրա, որոնք նկարահանվել էին Ամերիկայի Զորյանի ինստիտուտի կողմից 1984 թվականի հունվարի 29-ին։
“Արշալույսի լուսաբացը” ֆիլմը կյանքի է կոչվել «Հայաստանի Զորյան ինստիտուտ» հետազոտությունների եւ զարգացման միջազգային հիմնադրամի պատասխանատուների գիտական աջակցության եւ նույն հիմնարդրամի բանավոր պատմության արխիվի շնորհիվ։ Ֆիլմը նկարահանվել է Վարդան Հովհաննիսյանի եւ Իննա Սահակյանի ղեկավարությամբ գործող Բարս Մեդիայի, Gebrueder Beetz Filmproduktion & Artbox Laisvalaikio Klubas-ի կողմից, Eurimages-ի, Հայաստանի Զորյան ինստիտուտի եւ Հայաստանի ազգային կինոկենտրոնի ֆինանսական համագործակցությամբ, եւ Lithuanian Film Center, ZDF/ARTE, Հայաստանի հանրային հեռուստաընկերության եւ LRT աջակցությամբ։
«Արշալույսի լուսաբացը» ֆիլմի համաշխարհային պրեմիերիան տեղի կունենա մյուս շաբաթ հեղինակավոր Annecy International Animation Film Festival (Աննեսի միջազգային անիմացիոն ֆիլմի փառատոնի) ժամանակ։
«Հայաստանի Զորյան ինստիտուտ» հետազոտությունների եւ զարգացման միջազգային հիմնադրամ 

Leave a Reply

Your email address will not be published.