Հունաստանի արտաքին գործերի նախարար Նիկոս Դենդիասը հայտարարել է, որ Թուրքիայի կողմից Էգեյան ծովի հունական կղզիների նկատմամբ Հունաստանի ինքնիշխանության վիճարկումը նեոօսմանյան ռևիզիոնիզմի դրսեւորում է։

Իր ելույթներից մեկում Դենդիասը նշել է, որ Թուրքիան պնդում է, որ Հունաստանի ինքնիշխանությունը Էգեյան ծովի կղզիների նկատմամբ հարաբերական է, քանի որ նա հիմնվում է կղզիների ապառազմականացման վերաբերյալ Լոզանի համաձայնագրի կետերի վրա, մինչդեռ Հունաստանի ինքնիշխանությունը կղզիների նկատմամբ բացարձակ է։

Հունաստանի ԱԳՆ ղեկավարը հայտնել է, որ Անկարայի բոլոր պնդումներին Աթենքը պատասխանել է բազմաթիվ նամակներով, որոնցից մի քանիսը նույնպես օրեր առաջ ուղարկվել են ՄԱԿ։ Նա պնդում է, որ Հունաստանի փաստարկները միջազգային իրավունքի տեսանկյունից լիովին համոզիչ են և բավարար, մինչդեռ Թուրքիայի դիրքորոշումը չի դիմանում քննադատությանը։

«Անկարան դրսևորում է նեոօսմանյան ռևիզիոնիզմ՝ իբր տարածաշրջանային գերտերության գաղափարախոսության անբաժանելի մաս, որը ձգտում է ուժով և սպառնալիքներով թելադրել իր կամքը հարևան պետություններին», – ասել է Դենդիասը:

https://yerkir.am/news/view/272688.html