Հունիսի 5-ին, Շրջակա միջավայրի համաշխարհային օրվա կապակցությամբ, սուզորդները մաքրել են Վանա լճի Աղթամար կղզու ափերի հատակը։ Ջրից բազմաթիվ անվադողեր են դուրս եկել։

Այդ մասին, Akunq.net-ի փոխանցմամբ, հաղորդում են թուրքական լրատվամիջոցները։

Ըստ աղբյուրի՝ Վանի քաղաքապետարանի աշխատակիցներից և կամավորներից բաղկացած սուզորդների խումբը 4 ժամ շարունակ զբաղվել է Վանա լճի հատակը բազմապիսի աղբից մաքրելու գործով։

Հիշեցնենք, որ հատկապես 2010 թ․ Աղթամար կղզու Սուրբ Խաչ եկեղեցու վերանորոգումից և որպես թանգարան վերաբացումից հետո Թուրքիայի տեղական իշխանությունները մեծ նշանակություն են տալիս Վանում զբոսաշրջության զարգացմանը։

https://www.gazeteduvar.com.tr/van-golunde-trafik-canavari-varmis-galeri-1568002

Թարգմանեց Մելինե Անումյանը

Akunq.net