Թուրքիան աջակցում է տարածաշրջանում Ադրբեջանի խաղաղարար նախաձեռնություններին. ԹԱՄԺ նախագահ

Անկարան կշարունակի պաշտպանել Ադրբեջանի «արդար գործը» Հարավային Կովկասում կայուն խաղաղության ապահովման հարցում։ Մենք շարունակելու ենք աջակցել եղբայրական երկրին. հինգշաբթի Բաքվում, այսպես կոչված, «İNCSOS-Karabakh» հասարակական գիտությունների VII միջազգային կոնգրեսի բացման ժամանակ ասել է Թուրքիայի Ազգային մեծ ժողովի (խորհրդարանի) նախագահ Մուստաֆա Շենթոփը։

Նա նշել է համաշխարհային հանրությանն Ադրբեջանում իրողությունների մասին համապարփակ իրազեկման կարևորությունը, այդ թվում՝ լրատվամիջոցների և ակադեմիական շրջանակների միջոցով։

Շենթոփի խոսքով՝ արեւմտյան երկրների միակողմանի եւ կողմնակալ քաղաքականությունը հանգեցնում է կռվի ու խնդիրների նոր օջախների ձեւավորման։ «Արևմուտքի միակ նպատակը հակասությունների սերմեր ցանելն ու դրանով հարստանալն է ուրիշների ռեսուրսների հաշվին»,- ասել է Թուրքիայի խորհրդարանի նախագահը։

Թուրքիայի խորհրդարանի խոսնակն ընդգծել է, որ Պաղեստինի, Կիպրոսի կամ Ղարաբաղի խնդիրները, ցանկության դեպքում, կարող են լուծվել մեկ օրում, սակայն արեւմտյան շրջանակները շեշտում են բանակցային գործընթացների փակուղային վիճակը։

Նա Հայաստանին մեղադրել է «ռազմական հանցագործությունների» մեջ  Ադրբեջանի տարածքների «օկուպացիայի» ժամանակաշրջանում, որոնք ուղղակիորեն առնչվում են միջազգային իրավունքի նորմերին, միաժամանակ մոռանալով սեփական երկրի կողմից օկուպացիաները Կիպրոսի, Իրաքի և Սիրիայի տարածքներում:

https://yerkir.am/news/view/272317.html 

Leave a Reply

Your email address will not be published.