Թուրքիայի ընդդիմության առաջնորդն առաջարկում է փակել ԱՄՆ-ի բոլոր ռազմաբազաները երկրում

Թուրքիայի գլխավոր ընդդիմադիր Հանրապետական-ժողովրդական կուսակցության առաջնորդ Քեմալ Քըլըչդարօղլուն առաջարկել է փակել երկրում ԱՄՆ բոլոր ռազմաբազաները։ Նա նման հայտարարություն է արել Ազգայնական շարժում կուսակցության առաջնորդ Դեւլեթ Բահչելիի՝ Հյուսիսատլանտյան դաշինքից դուրս գալու անհրաժեշտության մասին  առաջարկից հետո։

«Բահչելին առաջարկել է դուրս գալ ՆԱՏՕ-ից։ ՆԱՏՕ-ի դաշինքն անհրաժեշտ է Թուրքիային, բայց ես կուզենայի տեսնել, թե որքանով են անկեղծ իշխանությունները։ ԱՄՆ-ը Հունաստանը լցրել է բազաներով, նրանց նպատակն ակնհայտ է։ Թող խորհրդարան մտցնեն Թուրքիայում ամերիկյան ռազմական օբյեկտների փակման մասին օրինագիծ, մենք կաջակցենք»,- ասել է նա։

Քըլըչդարօղլուն պարզաբանել է, որ իր քաղաքական ուժը պատրաստ է անել այն, ինչ իրենից կախված է, նաև՝ հետաքրքրվել, թե իշխանությունները կգնա՞ն նման քայլի։ Նա հստակեցրել է, որ իր կուսակցությունը դեմ է նեոլիբերալիզմին և երկրում օտարերկրյա զինվորականների առկայությանը։

https://www.yerkir.am/news/view/271854.html 

Leave a Reply

Your email address will not be published.