Անգարան Սուրիոյ քիւրտերուն վրայ նոր յարձակում կը ծրագրէ

Անգարան կը ծրագրէ յառաջիկային Սուրիոյ քիւրտերուն վրայ նոր յարձակումի սկսիլ: «Ազատութիւն» ձայնասփիւռի կայանը կը հաղորդէ, որ այս մասին յայտարարած է Թուրքիոյ նախագահ Ռեճեփ Թայիփ Էրտողան:

Զինուորական այդ գործողութիւններուն նպատակը, անոր համաձայն, պէտք է դառնայ Թուրքիոյ հարաւային սահմանի երկայնքին ստեղծումը 30 քիլոմեթր լայնքով անվտանգութեան գօտիի մը, որ պիտի ծառայէ «այդ շրջանէն բխող ահաբեկչական սպառնալիքները ճնշելուն»:

Անգարան Սուրիոյ մէջ գործող քրտական ուժերը ահաբեկչական կազմակերպութիւն կը նկատէ` պնդելով, որ անոնք սպառնալիք կը ներկայացնեն Թուրքիոյ համար:

https://www.aztagdaily.com/archives/547239 

Leave a Reply

Your email address will not be published.