Թուրքիան Արաքսի վրա ամբարտակների կառուցումը չի համաձայնեցնում հարեւաների հետ․ իրանցի նախարար

Արաքս գետի վրա Թուրքիայի կողմից իրականացվող շինարարությունը համաձայնեցված չէ Արաքսի ավազանի երկրների հետ և կարող է վտանգներ պարունակել գետի համար, այս մասին լրագրողների հետ ասաց Իրանի էներգետիկայի նախարար Ալի-Աքբար Մեհրաբիանը։

«Այն քայլերը, որոնք Թուրքիայի կողմից ձեռնարկվում են ամբարտակների շինարարության հարցում, դրանք համաձայնեցված չեն Արաքս գետի ավազանի երկրների հետ, եւ մենք մեր խորը անհանգստությունն են արտահայտում այդ մասին։  Մենք համարում ենք, որ Արաքս գետի ավազանում գտնվող բոլոր պետությունները ամբարտակների շինարարության, ինչպես նաեւ Արաքս գետի ջրերի օգտագործման հարցում պետք է համաձայնեցված աշխատեն։ Միակողմանի եւ անհատական մոտեցումը կարող է վտանգներ պարունակել գետի համար»,– ասաց նա։

Նախարարը նշեց, որ այս հարցում իրենց մտահոգությունները քանիցս փոխանցել են Թուրքիային։ «Այդ մասով մեր մտահոգությունները արտահայտել ենք Թուրքիային եւ Թուրքիայի պատկան մարմինների հետ ունեցել ենք բազմաթիվ նիստեր եւ հանդիպումներ, որոնց ժամանակ նրանք մեզ վստահեցրել են, որ անպայման կձեռնարկեն հաշվարկված քայլեր, որպեսզի փարատեն մեր ներկայացրած մտահոգություններ։ Մենք համարում ենք, որ Արաքսի ավազանի բոլոր երկրները պետք է իրար հետ բանակցեն, քննարկեն այդ հարցը եւ արդարացիորեն օգտվեն այդ ջրային ռեսուրսից։ Մենք անպայման հետամուտ կլինենք այդ քաղաքականության իրագործմանը»։

https://news.am/arm/news/701305.html 

 

Leave a Reply

Your email address will not be published.