Թուրք հոգևորականն առաջարկել է քրդամետ կուսակցությանը ձայն տվածներին զրկել Թուրքիայի քաղաքացիությունից

Թուրք հայտնի իսլամի քարոզիչ Ահմեթ Մահմութ Ունլուն, ով ունի էրդողանամետ հայացքներ, կոչ է արել զրկել Թուրքիայի քաղաքացիությունից այն անձանց, ովքեր քվեարկել են ընդդիմադիր քրդամետ Ժողովուրդների դեմոկրատական կուսակցության (ԺԴԿ-HDP) օգտին, որի դեմ ճնշումները վերջերս նոր թափ են առել: 

Հրապարակված տեսանյութում հիշյալ կրոնական գործիչը, ով նաև հայտնի է «Ահմեթ հոջա» անունով, նշել է քրդամետ կուսակցությունը «արմատախիլ» անելու անհրաժեշտության մասին:

Առաջ քաշելով թուրքական իշխանությունների պնդումները՝ քրդամետ կուսակցությանը մեղադրել է Թուրքիայում ահաբեկչական համարվող Քուրդիստանի բանվորական կուսակցության (ՔԲԿ -PKK) հետ համագործակցելու մեջ:

«Եթե մենք նրանց չզրկենք քաղաքացիությունից, ապա չենք կանխի երկրի մասնատումը»,- ասել է Ահմեթ հոջան:

Leave a Reply

Your email address will not be published.