Կ․Պոլսո Հայոց պատրիարքության խնդրանքով Արևմտյան Հայաստանում հոգևոր հովվի պարտականություններն ստանձնած Հայր Ավետիս Թաբաշյանը Սուրբ Հարության տոնի կապակցությամբ այցելել է Արևմտահայաստանի հայկական համայնքներ և պատարագներ մատուցել այստեղի հայության համար։

Այդ մասին հաղորդում է Akunq.net-ը՝ վկայակոչելով «Ակօս» երկլեզու հայկական շաբաթաթերթի կայքէջում հրապարակված տեղեկությունը։

Աղբյուրի համաձայն՝ Հայր Թաբաշյանը նախ այցելել է Խարբերդ (ներկայիս թուրք․ պաշտոնական անվանումը՝ Էլազըղ) ու պատարագ մատուցել այստեղի ասորական եկեղեցում։ Պատարագին մասնակցել են քաղաքի հայ համայնքի ներկայացոցիչները, ներկա է գտնվել նաև ասորական եկեղեցու հովիվ Մուշե Դաղը։

Հայր Ավետիս Թաբաշյանը պատարագից հետո այցելել է նաև տեղի հայկական գերեզմանատուն և աղոթել հանցուցյալների հոգիների խաղաղության համար։

Հայր Թաբաշյանը մայիսի 1-ին էլ ուղևորվել է Մալաթիա և պատարագ մատուցել այստեղի հայկական գերեզմանատանը գտնվող Սուրբ Հարություն մատուռում, հանդիպել հայ համայնքի անդամների, աղոթել հանգուցյալների հոգիների հանգստության համար, ինչպես նաև շփվել հիվանդ հավատացյալների հետ։

https://www.agos.com.tr/tr/yazi/27060/elazig-ve-malatya-da-kutsal-dirilis-yortusu-ayinleri

Թարգմանեց Մելինե Անումյանը

Akunq.net