Դերսիմի ամենամեծ հայկական եկեղեցին ավերակի է վերածվել

Թուրքիայում Դերսիմի (Թունջելի) Խոզաթ գավառի Էրգեն (Գեչիմլի) գյուղում գտնվող հազարամյա հայկական եկեղեցին, որը հայտնի է Էրգանի եկեղեցի անունով, անխնամ մնալու հետևանքով ավերակ վիճակում է հայտնվել։

Դեռևս 2012 թ. Էրզրումի (Կարին-Ակունքի խմբ․) մշակութային ժառանգության պահպանության խորհուրդը ընդունել է եկեղեցու պահպանման անհրաժեշտության վերաբերյալ Թունջելիի նահանգի մշակույթի և տուրիզմի վարչության ներկայացրած դիմումը, սակայն մինչ օրս եկեղեցու պահպանման կամ վերակառուցմանն ուղղված որևէ աշխատանք չի կատարվել։

Էրգանի եկեղեցին կառուցվել է 975 թվականին։ Եկեղեցու պատերի ներսի հատվածում դեռևս պահպանվում են են հայատառ որոշ արձանագրություններ: Էրգանի եկեղեցին համարվում է Դերսիմի ամենամեծ ու հին հայկական եկեղեցիներից մեկը։ Հայտնի է, որ Ցեղասպանության ժամանակ Էրգանիի վերջին քահանան հրկիզվել և սպանվել է հենց եկեղեցում։ Եկեղեցին չի գործել 1915 թվականից ի վեր։

https://www.ermenihaber.am/am/news/2021/11/22/%D4%B4%D5%A5%D6%80%D5%BD%D5%AB%D5%B4-%D5%A5%D5%AF%D5%A5%D5%B2%D5%A5%D6%81%D5%AB/220399 

Leave a Reply

Your email address will not be published. Required fields are marked *