Թուրքական մեջլիսը կողմ է քվեարկել Իրաքում և Սիրիայում ռազմական գործողությունները 2 տարով երկարաձգելու բանաձևին

Թուրքիայի խորհրդարանը հոկտեմբերի 26-ին վավերացրել է բանաձևը՝ երկու տարով երկարաձգելու հյուսիսային Իրաքում և Սիրիայում հակաահաբեկչական անդրսահմանային գործողություններ իրականացնելու թույլտվությունը: «Արմենպրես»-ի փոխանցմամբ, այս մասին հայտնում է թուրքական Անադոլու գործակալությունը:

Որոշմանը կողմ են քվեարկել իշխող Արդարություն և զարգացում, Ազգայնական շարժում և ընդդիմադիր Լավ կուսակցությունները, իսկ հիմնական ընդդիմությունը՝ Հանրապետական ժողովրդական կուսակցությունը և Ժողովուրդների դեմոկրատական կուսակցությունը, դեմ է քվեարկել:

Բանաձևը խորհրդարան էր ներկայացվել կառավարության կողմից: Բանաձևում մասնավորապես նշվել է, որ Թուրքիայի հարավային սահմաններին ռիսկերն ու շարունակվող հակամարտություններից բխող սպառնալիքները շարունակում են աճել: Այդպիսով, Հյուսիսային Իրաքում և Սիրիայում թուրքական զինուժը կկարողանա գործողություններ իրականացնել մինչև 2023 թ. հոկտեմբերի 30-ը:

https://www.tert.am/am/news/2021/10/26/military/3716659 

Leave a Reply

Your email address will not be published.