Թուրքիան քրդերի «որս» է սկսել իրանա-իրաքյան սահմանի մերձակայքում

Թուրքական ինքնաթիռները «որսում են» քուրդ անջատողականներին իրանա-իրաքյան սահմանի մոտակայքում. հոկտեմբերի 15-ին հայտնել է Rudaw քրդական գործակալությունը:

Հաղորդվում է, որ անօդաչու թռչող սարքը հարվածել է Իրաքի Էրբիլ նահանգի Չոման շրջանում գտնվող Բալայան հովտին, որը սահմանակից է Իրանին: Կասրե քաղաքի քաղաքապետ Շահավան Վարդին պարզաբանել է, որ հարվածը հասցրել է թուրքական անօդաչու թռչող սարքը: Նրա խոսքով՝ զոհեր կամ վիրավորներ չկան: Օդային հարվածներ են հասցվել նաեւ Պիշդարի շրջանում՝ Դուկան լճից հյուսիս:

Հիշեցնենք, որ թուրքական ավիացիան շարունակաբար հարվածներ է հասցնում Իրաքի և Իրաքյան Քրդստանի տարածքներին: Այն թիրախավորում է Թուրքիայում ահաբեկչական ճանաչված Քուրդիստանի աշխատավորական կուսակցության զինյալներին և ենթակառուցվածքներին:

https://yerkir.am/news/view/250675.html 

Leave a Reply

Your email address will not be published. Required fields are marked *